O III Salón do Deporte e Turismo Activo celebrarase en Expourense os días 15 e 16 de noviembre e servirá de antesala a la XLIII Carreira Popular de San Martiño

O día antes, o 14, e ata o 15, dará comezo o I Congreso Ibérico de Turismo Deportivo.

A celebración do I Congreso Ibérico de Turismo Deportivo será a principal novidade da terceira edición de Sportur Galicia, Salón do Deporte e Turismo Activo de Galicia. Terá lugar en Expourense contando co principal apoio da Secretaría  Xeral para o Deporte da Xunta de Galicia e da Deputación provincial de Ourense, e servirá un ano máis como antesala da  XLII Carrera Popular de San Martiño que congrega a miles de deportistas.

Este congreso celebrarase os días 14 e 15 de novembro e foi presentado en Expourense durante a primeira reunión do comité asesor de Sportur Galicia, á que asistiron 18 representantes relacionados co turismo e o deporte de entidades públicas e privadas, empresas e federacións deportivas de Galicia.

Organizado pola Secretaría  xeral para o deporte, a Axencia de Turismo de Galicia, a Deputación Provincial de Ourense, coa colaboración da Asociación do Deporte Español, contribuirá a reforzar o carácter profesional da feira e estará divido nos seguintes bloques temáticos: Políticas públicas; Turismo activo (lexislación, titulacións e novas tendencias); Eventos Deportivos (casos de éxito en cidades, en zonas rurais e márketing e impacto económico); Turismo náutico; Turismo deportivo e desenvolvemento local; Sector Turístico (hoteis e turistas) e Formación e investigación.

A terceira edición do Salón do Deporte e Turismo Activo dividirase de novo en tres áreas. A primeira delas dedicada á exposición comercial de produtos e servizos e á promoción de destino turístico. A segunda estará centrada nas exhibicións deportivas e a última destas áreas será a profesional que inclúe a organización de  workshops con axencias de viaxes nacionais e internacionais. Esta primeira reunión de  Sportur Galicia 2019 participaron o vicepresidente executivo de Expourense, Jorge Pumar; a directora adxunta de Expourense, Emma González; o asesor da Secretaría  Xeral para ou Deporte, Javier Rico, e o asesor de proxectos estratéxicos da Deputación de Ourense e presidente do Colexio galego de Árbitros, Bernardino González. Participaron ademais representantes de entidades públicas e privadas como a Axencia Galega de Turismo da Xunta de Galicia; do  Consello Municipal de Deportes de Ourense; da Universidade de Vigo-Campus de Ourense; do Grupo  Caldaria; de  Goodlife consultores; da Asociación Galega de Empresas de Turismo Activo e Natureza (AGETAN) e da Federación Limiar. Tamén participaron representantes das federacións galegas de Deportes de Inverno, Caza, Piragüismo, Montañismo e  Kickboxing.